Ruoŧa Sámediggi
Ruoŧa Sámediggi doaibmagođii jagi 1993:s. Sámediggi lea sámiid álbmotválljen ásahus ja eiseváldi.
Sámediggeráđđi bargá sámiid guoskevaš áššiiguin Ruoŧas.
Sámediggi lea sámiid riikabeaivi dahje parlameanta.
Sámedikkis leat 31 áirasa. Sámedikki stuorámus kantuvra lea Gironis. Johkamohkis, Deartnás ja Staares leat maid kantuvrrat.
Sámediggi lea maid eiseváldi mii bargá sámi kultuvrrain, sámi ealáhusaiguin ja gielain.
Sámediggeválggat
Sámi álbmot vállje ieš olbmuid geat Sámedikkis galget leat politihkkárat.
Sámediggeválggat leat juohke 4. jagi. Dalle bohtet ođđa lahtut dahje áirasat. Dalle leat allaáiggálaš rahpandoalut. Gonagas dahje ruvdnoprinseassa boahtá dalle.
Sámediggi galgá leat sámiid jietna Ruoŧas, muhto das lea unnán váldi ja iige sáhte lágaid ásahit. Sámedikki politihkkárat sáhttet dušše buktit ovdán iežaset oaiviliid.
Dat 31 sámepolitihkkára deaivvadit 3 geardde jagis stuorra čoahkkimii dahje dievasčoahkkimis.
Sámit eai beasa Ruoŧa Riikabeaivái go leat nu unnán sámit Ruoŧa.
Njuolggadusat
Ruoŧa riikabeaivi ja ráđđehus mearridit makkár njuolggadusaid ja lágaid sámediggi galgá čuovvut.
Go Sámediggi lea stáhta eiseváldi, de dat ferte dat bargat áššiiguin maid Ruoŧa ráđđehus mearrida.
Sámediggi dieđiha juohke jagi ráđđehussii maid leat bargan ja ruhta geavaheami.