Stáhtakantuvra árvvoštallá ahte Sámediggi:
- ii ollislaččat ollašuhte iežas gohččuma boazodoalu- ja servodatplánen surggiin. Sámediggi ii geargga bargat buot iežas barggui nugo boazodoalus, boraspiriin, fuođđuvahágiin ja servodatplánemis fuolahit sámi beroštumiid. Dáid surggiin leat dávjá eiseválddiid gulaskuddamat ja ráđđádallamiin menddo viidát ahtet galget sáhttit váldit mearrádusaid iešguđetge gažaldagain.
- dat oalle muddui ollašuhttá iežas gohččuma gielas, kultuvrras ja diehtojuohkimis sámi áššiid birra.
Ráđđehus ii leat iežas stivremis váldán doarvái vuhtii mii Sámedikki ulbmil lea ja got dat lea organiserejuvvon. Ráđđehusa stivren regulerinreivviin, sierra mearrádusain ja ahte ruhtadeapmi boahtá iešguđetge departemeanttain ja dat gáržžidit Sámedikki doaibmavejolašvuođaid. Ovdamearkka dihtii vejolašvuohta vuoruhit dihto doaimmaid nu ahte dat dagahicčče iešmearrideami vejolažžan ja dagahivčče beaktilis ja riektesihkar doaibma čađaheapmin.
Sámedikki jođiheapmi, stivren ja čuovvoleapmi ii leat ulbmiliid mielde. Dasto ii sáhte lohkat ahte Sámediggi olaha doaibmagáibádusaid eiseválddi gohččumis. Sámedikki doaibmaplánas, jahkedieđáhus ja bušeahttavuođus leat máŋgga dáfus váilivuođat, danin šaddá váttis árvvoštallat eiseválddi bohtosiid, resursageavaheami ja resursadárbu.
Stáhtakantuvra cealká guorahallamisttis ahte sihke ráđđehus ja Sámediggi dárbbašit oppalaš doaibmabijuid stivremii ja čuovvoleapmái vái jukset ulbmiliid ja iešmearrideami juolludeami ektui.
Stáhtakantuvra evttoha ahte ráđđehus:
- váldá eret ovtta doaimma, ovtta raporterengáibádusa ja ovtta ruhtadan eavttu Sámedikki regulerenreivves
- čohkket Sámedikki doaimma ruhtadeami vái buot doaibmagolut ruhtaduvvojit hálddašanjuolludeami bokte.
- geahčadit makkár doaibma Sámedikkis sáhttá muktit guhkitáiggi doaibman
- analyseret lea go Sámedikkis doarvái ruhtadeapmi gozihit sámi beroštumiid ja servodatplánema
- addit Stáhtakantuvrii bargun analyseret Sámedikki muktinbarggu. Vuolggasadji leat bohtosat mat bohte analyseremis ovdán, de ferte ráđđehus árvvoštallat Sámedikki organiserema dahje árvvoštallat galgá muktit ain eanet iežas stivrema eiseválddis.
Stáhtakantuvra evttoha ahte Sámediggi:
- guorahallá ja ođasmahttá iežas siskkáldas regulerema ja eará stivrendokumeanttaid vái šaddet eanet ollislačča,n buoret heiveheapmi, unnidit daid ja čielggaseabbo
- soahpat ja mearridit mo guovddáš doaibma- ja plánenproseassat galget leat vái dat šaddet stáđđáseabbo válgaáigodagaid badjel, ovdánahttit iežas barggu doaibmaplánain, jahkedieđáhusain ja bušeahtavuođuin. Dán oassái gullá maiddái njulget ja ovdánahttit bargguid ovdanbuktimiid ja goluid ja boađusanalysa jahkedieđáhusas.