Vuolggasadji
Ovdalgo sáhttá cealkit ahte čearut leat beaktilit oassálastán ráđđádallamis, de galget Sámedikki jelgii muhtin norpmat čuvvojuvvot:
- Ráđđádallama čađaheapmi lea leamaš albmalágán ja dan boađus lea positiivvalaš doarjja doibmii eatnašiin sis, geat leat searvan ráđđádallamii.
- Čearru galgá oažžut nu ollu dieđuid doaimma birra ahte dat sáhttá miehtat dasa “friddja ja diehttevaš” vuogi bokte.
- Čearus galgá leat vejolašvuohta searvat beaktilit ja duođain váikkuhit. Dáhkidan dihte beaktilis searvama ferte leat buorre áigi, ekonomalaš návccat ja eai oaččo leat iežá dilit, mat leat ovdagihtii lássen eavttuid.
- Sámi kultuvra ja sámi vuoigatvuođat/olmmošvuoigatvuođa prinsihpat fertejit árvvusadnojuvvot ja vuhtiiváldojuvvot.
- Árbevirolaš ealáhus ii oaččo duššaduvvot.
Obbalaš oaidnu
Sámedikki obbalaš oaidnu lea ahte sámi kultuvrras ja boazoealáhusas galgá leat ovdánanvejolašvuohta Sámis. Prošeavttaid sáhttá beare čađahit jus boazoealáhusa dárbbuid váldá vuhtii. Rusttegat ja huksehusat eai oaččo váikkuhit boazoealáhussii negatiivvalaččat. Ovdalaččas čađahuvvon prošeavttaid kumulatiiva váikkuhusat galget leat oassin birasváikkuhusguorahallamis. Prošeavtta galgá dušše sáhttit čađahit jus vuosehuvvo ahte negatiivvalaš váikkuhusat boazoealáhussii eai šatta ilá stuorrát.
- Váikkuhuvvon sámiid árbevirolaš máhttu ferte vuhtii váldojuvvot
- Čearu boazosámiid galgá oaidnit báikkálaš áššedovdin
- Jus prošeakta ii dohkkehuvvo dain sámiin, geaidda dat guoská, de dat ii galgga čađahuvvot.