Ohcanáiggit
Ohcamuš galgá ollen Sámediggái maŋemusat čuovvovaš beivviid jus galgá gieđahallojuvvot boahtte kulturráđđečoahkkimis:
- njukčamánu 1.b.
- borgemánu 1.b.
- skábmamánu 1.b.
Dát gusto prošeaktadoarjjaohcamušaide:
- Ohcamuš galgá čáloojuvvot sierra skovvái.
- Sámedikki kulturráđđi ii juollut doarjaga maŋŋegihtii.
- Sámedikki kulturráđđi ii juollut doarjaga dakkár prošektii mii ovdal juo lea ožžon doarjaga kulturráđis.
- Sámedikki kulturráđis lea riekti maŋidit ohcamuša dasságo iežá ruhtadeapmi lea geahččaluvvon/gieđahallojuvvon.
- Sámedikki kulturráđđi gieđahallá ohcamuša easkka de go lea ožžon ohcanskovi dievaslaš dieđuiguin.
- Ohcci guhte lea ovdal ožžon prošeaktadoarjaga ferte leat addán dievaslaš dárkkisteami loahpahuvvon prošeavttain ovdal go ođđa ohcamuš gieđahallojuvvo.
- Váilevaš ohcamušat hilgojuvvojit.
Sámedikki kulturpolitihkalaš doaibmaprográmmas sáhttet leat eanet eavttut.
Prošeaktačilgehus
Prošeaktačilgehusas galggat čilget prošeavtta ulbmila, ulbmiljoavkku, čađaheami ja prošeavtta bohtosa. Das galggat maid čilget makkár ahkejovkui prošeakta lea oaivvilduvvon ja man galle olbmo prošeakta galggašii olahit.
Skovit
Ohcamuššii, rekvisišuvdnii ja dárkkisteapmái leat sierra skovit maid gávnnat olgešbealde. Geahča maiddái bagadusaid Instruktion för ansökan om projektbidrag ja Instruktion för redovisning av projektbidrag.
Logotype
Go almmuha ja márkanfievrrida prošeavtta de galgá álo boahtit ovdan ahte prošeavtta lea Sámediggi dorjon ja de galgá atnit Sámedikki logomearkka. Logomearkka oainnát dás
Ruovttoluottamáksin
Jus prošeavtta olu rievdadallá dahje muktala ii ge leat Sámedikki kulturráđiin ráđđádallan dan birra, de sáhttá prošeaktadoarjja muhtun muddui dahje ollát gáibiduvvot ruovttoluotta. Jus prošeaktadárkkisteapmi ii čađahuvvo de gáibida Sámediggi olles dahje osiid prošeaktadoarjagis ruovttoluotta.