Riikaberoštupmi láhkadoaban fápmuduvvui 1987. Go juoga klassifiserejuvvo riikkaberoštupmin dat mearkkaša ahte stáhtas lea eanet váldi gieldda ektui seaguhit iežas, jus gielda ii váldde vuhtii riikkaberoštumi iežas servvodatplánemis.
Birasláhka (Miljöbalken)
Miljöbalken 3:5 dadjá:
- Boazoealáhusa riikkaberoštupmeeatnamat galget suddjejuvvot.
- Eatnamat ja čázit galget nu guhkás go vejolaš suddjejuvvot dakkár doaibmabijuin, mat sáhttet váddudit ealáhusaid doaimmaheami.
Luondduresursaláhka
Luondduresursalágas klassifiserejuvvojit boazoealáhusa deháleamos eatnamat riikkaberoštupmin. Ovdamearkkat dakkár báikkiin ja sajiin leat dakkárat go čoahkkananbáikkit, johtingeainnut, idjasajit, baskkes báikkit, earenomáš guohtuneatnamat, rusttegiid birrasat ja gárddit.
Mearriduvvon riikkaberoštumit
Eanandoallodoaimmahat mearridii 2005 evttohit riikkaberoštupmeeatnamiid Norrbottena ja Västerbottena leanain, muhto ii buktán evttohusaid, mat guske Jemtlándda ja Västernorrlandda leanaide.
Dokumeanttat
Riikkaberoštumit ovdanbuktojuvvojit nu go gohčoduvvon kärnområden, strategalaš báikin ja funktionála čanasteapmin. Juohke čearu ruovttosiiddus gávdno dokumeanta, mii muitala makkár riikkaberoštumit leat jur dan čearus.