Jienas poastta bokte dahje mana jienastanbáikái
Don sáhtát jienastit ovddalgihtii boastta bokte dahje finat válgabáikkis sotnabeaivve miessemánu 18. b. 2025. Válgaeiseváldi sádde jienastankoartta, jienastanlihpu jna boastta mielde sidjiide geat leat čálihuvvon sámi jienastuslohkui. Boastan maid oaččut oassálasti bellodagaid válgaprográmmaid.
Ná don jienastat boastta bokte:
Sullii mánu ovdal válgabeaivvi sádde Válgaeiseváldi materiálaid ja válgakoarttaid buohkaide geain lea jienastanvuoigatvuohta ja geat leat mielde loahpalaš jienastuslogus.
Materiálas leat du jienastankoarta, jienastanlihput, válgakonfaluhtta, doavdnjekonvoluhtta ja dieđut mo ráhkkanat jienasteapmái. Sáhtát jienastit poastta bokte dađistaga go leat ožžon materiálaid poasttas. Bija poastajienasteami maŋimustá válgabeaivvi vai du jietna lohkkojuvvo. Jos leat olgoriikkas, de soaitá leat dárbu poastta bokte sáddet jiena árabut vai dat rivttes áigái olle jienaidlohkamii. Materiála lassin dárbbašat guokte olbmo badjel 18 jagi geat sáhttet duođaštit ahte don leat dat gii leat searvan válgii. Duođašteaddjit galggašit leat lahkosis go ráhkkanat jienasteapmái, muhto it dárbbaš čájehit maid jienastit.
Fuomáš dán:
- Bija jienastanlihpu konvoluhttii
- Bija jienastanlihpu konvoluhta olggoš konvoluhta sisa
- Čále iežat nama olggobeale konvoluhttii/jienastangortii
- Dáhto guokte duođašteaddji čállit vuollái, duođašteaddji dieđut galget leat ollislaččat
- Bija konvoluhta/jienastanlihppu gitta, muhto ále teipe
- Bija konvoluhta/jienastankoartta doavdnjekonvoluhtti
- Liibmet fas doavdnjekonvoluhta
- Bija bostii buori áiggi ovdal válgabeaivvi ja maŋimustá miessemánu 16. beaivvi.
Ná don jienastat válgabáikkis:
Don fertet váldit mielde ID-duođaštusa ja válgakoartta jus áiggut válgabeaivvi jienastit iežat válgabáikkis. Jos dus ii leat ID-duođaštus, de sáhttá nubbi olmmoš duođaštit du identitehta, muhto dalle ferte dat olmmoš čájehit ID-duođaštusa.
Jos leat vajálduhttán dahje láhppán válgakoartta, de sáhtát oažžut ođđa válgabargiin. Jienastanbáikkis leat maid liige jienastankonfaluhtat ja jienastanlihput. Jietnavuostáiváldit geavahit du válgakoartta sáddet jienaid viidáseappot Norrbottena Leanastivrii, gos dat merkejuvvo jienastuslohkui ja lohkkojuvvo.
Eahpegustojeaddji jienat
Juohke válggain hilgojuvvojit birrasii 250 ja 300 jiena go lohket jienaid. Eanaš boastajienat mat hilgojuvvojit, váilu jienasteaddji vuolláičála olggoškonvoluhtas/jienastankoarttas, dahje duođašteaddjidieđut váilot olggoškonvoluhtas/jienastankoarttas.
Eará sivva sáhttá leat dat, ahte jienastankonfaluhtta ii leat biddjon doavdnjekonvoluhtta/jienastankoartta sisa dahje ahte válgakonfaluhta váilu. Itge sáhte bidjat máŋga jienastanlihpu jienastankonfaluhttii dahje geavahit jienastanlihpu mii ii leat dohkkehuvvon.