Dilli
NSE lea dán barggu oktavuođas lea čađahan konsultašuvnnat, ráđđádallamat ja gulahallan sámi siviilaservodaga organisašuvnnain, ja sámi hálddašangielddain ja regiovnnain ja ráhkadan raportta dilis.
Measta bealli buot sámi nuorain vásihit ahte leat láhtten fastit singuin dahje givssiduvvojit go leat sápmelaččat. Mánát ja nuorat vásihit ahte soaibman lea šaddan dábálažžan dál ja dat dáhpáhuvvá beaivválaččat. Dat dáhpáhuvvá juohke sajis gos sii leat ja sihke mánát ja rávis olbmut geat dahket dan.
Davvin lea vuosteháhku lassánan
Ruoŧa Sámis (Norrbottena, Västerbottena, Jämtlándda, Västernorrlándda ja Dalarna leanain) vásihit sámi nuorat eanet vuostehágu sámiid vuoigatvuođa áššiid geažil.
Diehtemeahttunvuohta ja eksohtalažžan dahkat
Olggobealde Ruoŧa Sámi lea diehtemeahttunvuohta ja eksohtalažžan dahkat (nugo sámi kultuvrra ja eallinvuogi stereotiippat) dábáleabbon. Beroškeahttá mo rasisma boahtá ovdán, de dat váikkuha máŋgga iešguđetge láhkai nuorra sámiid eallimii. Danin leat eastadeaddji doaibmabijut dehálaččat vái nuoraidpolitihka mihttomeriid ollašuhttojit – ahte buot nuorain galget leat buorit eallineavttut, fápmu hábmet iežaset eallima ja váikkuhit servodatovdáneapmái.