Oktasaš bargu dásseárvosaš sámi servodahkii
Dásseárvu boahtá mearrádusaid bokte, go resurssat juogaduvvojit ja njuolggadusat ásahuvvojit. Dan ovdii ferte bargat buot dásiin ja dásseárvooaidnu ferte leat oassin eiseválddiid, organisašuvnnaid, servviid, fitnodagaid, čearuid, sámeservviid ja eará doaimmaid beaivválaš bargguin. Dán gohčodit maiddái dásseárvointegreremin ja lea politihkalaš strategiija vái dásseárvosaš servodaga oažžu. Dásseárvointegreren lea oarjemáilmmi meroštusaid ja áigumušaid mielde hábmejuvvon. Váikko leat ollu mii sullasaš barggus, de ii álo sáhte váldoservodaga ulbmiliid ja definišuvnnaid geavahit sámi okta oktavuhtii.
Dásseárvoperspektiiva heivihuvvon sámi diliide
Sámi servodaga lea dasa lassin ruoŧa servodat váikkuhan – dan oaidná go geahččá sámi ásahusaid, organisašuvnnaid ja servviid, oktasaš kultuvrra, sámi giela ja árbevieruid. Dát dagaha dan máŋggadáfot ja danin lea dehálaš ahte mii ovttas integreret dásseárvoperspektiivva sámi diliide ja eavttuide.
Sámedikki dásseárvobargu
Sámediggi galgá leat buot sámiid várás ja galge eastadit buot lágan vealahemiid. Dát njuolggadusat gullet buot doaimmaide. Mii leat jagiid mielde guorahallan dásseárvvu sámi servodagas, dásseárvoperspektiivva integrerema áššiid meannudeames ja čalmmustahttit veahkaválddi lagaš oktavuođain. Loga min ráđđehusgohččuma birra gurut bealde vuolde.