tjej bredvid sexhjuling

Fitnodatstruktuvra

Ruoŧas leat sullii 250 000 bohcco ja sullii duhát ámmátboazobargi. Boazologahaga mielde lea boazoeaiggádiid lohku sullii 4600 (mánát mielde logus). 60 proseantta boazoeaiggádiin leat dievdoolbmot, mat ovttas eaiggáduššet badjel 80 % Ruoŧa bohccuin.

Lotnolasealáhus

Jus galgá ollásit birget boazoealáhusain, de gáibiduvvo ahte fitnodagas leat 500-600 bohcco. Dábálaš meroštallan lea ahte sullii 2 500 olbmo leat ollásit vai muhtin muddui sorjavaččat dain sisaboađuin, maid boazoealáhus buktá. Boazoealáhus dávjá doaibmá lotnolasealáhussan, ovttas turismmain ja dujiin. Mealgat eanet sámiin go dušše boazobargiin lea beroštupmi bohccuin. Boazoealáhus ii leat dušše bargu, muhto divrras ja nanu kulturguoddi sámi servvodagas.

Boazolohku

Ruoŧa boazolohku rievddada vuoruid mielde 220 000 bohccos gitta 260 000 bohccui dálveealus. Boazologu rievddadeapmi vuolgá ovddemusat guohtunvariašuvnnain ja meahcielliidlogu variašuvnnas.

Eanemusat dievddut

60 proseantta boazoeaiggádiin leat dievddut. Sullii 80 proseantta boazobargiin leat dievddut. Dievddut eaiggáduššet sullii 80 proseantta Ruoŧa bohccuin

Sisaboađut ja golut

Boazodoallofitnodagaid stuorámus sisaboahtu boahtá bohccobierggu ja sarvvabierggu vuovdimis. Stuorimus golut leat vuodjinfievrrut ja boaldámušat.

Boazonjuovahagat ožžot jahkásaččat sullii 1 4000 tonna bohccogorudiid. Maŋŋel buvttadeami lea sullii 1000 tonna bohccobiergu mii olaha márkana. Dás fas lea sullii 250 tonna bierggu mii olaha gávppiide čahppojuvvon biergun. Sullii 750 tonna manná stuoragievkkaniidda ja boradanbáikkiide.

Senast uppdaterad: 21 januari 2025 av Marie Enoksson.