EDi-prošeakta joatkašuvvá
2013 ja 2014 ožžo 18 eiseváldi sierra gohččuma ráđđehusas bargat dásseárvointegreremiin; Eiseválddiin dásseárvointegreren (EDi). Okta dain lei Sámediggi. Jagi 2015 rájes barget 41 eiseválddi aktiivvalaččat dásseárvointegreremiin buot iežaset doaimmaiguin. Buot mearrádusaid galgá sáhttit geahčadit dásseárvoperspektiivvas. Buohkain almmolaš ásahusain leat sihke vejolašvuođat ja geatnegasvuođat bargat eanet dásseárvvu ovdii.
Ulbmil lea ahte eiseválddiid doaibma galgá ovdánit nu ahte Ruoŧŧa ain buorebut joksá dásseárvopolitihkalaš ulbmiliid.
Dásseárvointegreren
Dásseárvu nissoniid ja albmáid gaskka ásahuvvo doppe gos dábálaš mearrádusat dahkkojuvvojit, resurssat juogaduvvojit ja norpmat ráhkaduvvojit. Danne ferte leat dásseárvoperspektiiva oassin bargobáikkiid beaivválaš bargguin.
Sámedikki ulbmilat
Sámediggi lea dásseárvobarggus vuosttažettiin válljen bargat dássidis fápmo- ja váikkuhanjuohkimiin ja ekonomalaš dásseárvvuin.
Ovdánahttindárbbut maid leat vállje min doaibmaplánas leat:
- rievdadit guottuid, árvvuid ja norpmaid sámi servodagas
- lahttudit dásseárvoperspektiivva buot mearrádusaide maid Sámediggi dahká
- nannet sihke nissoniid ja dievdduid sajádaga servodagas sin áŋgiruššama sámi ealáhusaide, kultuvrii ja gillii. Om galgat movttiidahttit nissoniid bargat bohccuiguin ja dievdduid gis movttiidahttit searvat giellaprošeavttaide ja mentorprográmmaide, go mii leat oaidnán ahte lea ehpedássidis sohkabealjuohku dáin surggiin
- vurdojuvvo ahte buohkain geat ohcet doaibma- ja prošeaktadoarjagiid ahte dat aktiivvalaččat barget dásseárvvu ovddidemiin sámi servodagas